الرئيسية / كلمة منفعة / (عظة بالتشكيل) للقس دانيال وليم

(عظة بالتشكيل) للقس دانيال وليم

كَمْ كبير جداً من العظات سمعناها ، وكانت جميلة و مؤثرة ، وكنَّا وقت العظة مستمتعين ، ولمست الكلمات قلوبنا ، و تخرج من العظة و كأنك إرتفعت عن الأرض ….. يوم أو إتنين أو أكتر شوية….. و تكتشف إنك انت هو انت ، راحت فين العظة؟ ، راحت فين المشاعر؟ ، راحت فين الحالة الجميلة دى ؟؟ راحت زى غيرها – وبعدين !! كل مرة كدة !!
فعلاً خسارة . خسارة الحاجة الحلوة تروح ، وخسارة تتنسى العظة و يضيع تأثيرها !! ليه ماتكونش القاعدة إنى مستمتع و عايش الكلام الجميل ده؟؟
الحل: 
+++ لازم تكون العظة بالتشكيل !!! 
صدقنى هو ده الحل .. لازم تكون العظة بالتشكيل ، لازم كل كلمة تسمعها تشكل فيك وجواك حاجة ، ماتكونش مجرد كلمة بتسمعها – لكن تكون قيمة بتسكنك ، تكون مبدأ تعيشه ، تكون طريقة تفكير، تكون اسلوب بتتصرف و تتحرك به ….
وقتها .. تتحول كل كلمة لحياة مُعاشة ، كل كلمة تفَرَّح تتحول لسعادة تعيشها ، كل كلمة تأثر فيك يتكون لها جِذر جواك يطرح ثمار صالحة ليك ولكل اللى حواليك.
***** إبدأ و إسمع وكل عِظة أو كلمة تسمعها … إسمعها عِظة بالتشكيل*****

شاهد أيضاً

الوديع … للقمص فيلبس سليمان

هو الانسان الطيب القلب المبتسم الهادئ …. جميله الايه التي قالها لا يخاصم ولا يصيح ...